శ్రీ సూర్యనారాయణ స్వామి వారి దేవస్థానం
దేవాదాయ - ధర్మాదాయ శాఖ
గొల్లలమామిడాడ-533344, పెదపూడి మండలం,
తూర్పు గోదావరి జిల్లా, ఆంధ్రప్రదేశ్.
శుద్ధ ఏకాదశి ( తొలి ఏకాదశి , శయన ఏకాదశి , ఛాతుర్మాస్య వ్రతారంభం ) రోజున స్వామి వారికి అభిషేకాదులు జరిపించి తదనంతరం అలంకరణ విశేష అర్చనలు జరుగుతాయి
కృష్ణాష్టమి రోజున ఉట్ల సంబరం , కృష్ణ జన్మోత్సవం , కాయము ( కాయపు ముద్ద ) పంచుట జరుగును .
శుద్ధదశమికి శమీ వృక్ష ఆరాధన ( జమ్మి చెట్టు ) అర్చన . అపరాధిత పూజలు దేవాలయము వద్దనున్న శమీ వృక్ష మూలమున జరుగును .
వైష్ణవ ఆగమ ప్రకారం కృత్తికా దీప ప్రారంభం ఆశ్వీయుజ పూర్ణిమ నుండి కార్తీక పూర్ణిమ వరకు నెలరోజులు ఆకాశదీపం పెట్టుట ఇక్కడ దేవాలయంలో సనాతన ఆచార విశేషం .
నెలరోజులూ స్వామిని సేవించుకొనుటకు వచ్చే భక్తులు , దీక్షాస్వాములతో దేవాలయం రద్దీగా ఉంటుంది .
కార్తీక శుద్ధ ద్వాదశీ అనగా క్షీరాబ్ది ద్వాదశి రోజున శ్రీ స్వామి వారికి విశేష అర్చనలు మరియు స్వామి వారిని శేషవాహనంపై గ్రామోత్సవం జరిపించి రాత్రికి పవిత్ర తుల్యానదీలో శ్రీ వారికి తెప్పోత్సవం ( తెప్పతిరునాళ్ళు ) అత్యంత వైభవంగా నిర్వహించబడును . శ్రీవారి ఆలయ ప్రాంగణం దీపములతో అలంకరించెదరు .
ధనుర్మానోత్సవం ( నెలగంట ) ప్రారంభం నుండి భోగి వరకు ముప్పదిరోజులు ప్రాతఃకాలమున పవిత్ర తుల్యానది నుండి తీర్థపుబిందెతో తీర్థమును తెచ్చి స్వామిని అర్చించి పాశుర విన్నపములు ద్రవిడవేద పారాయణలు ప్రబంధ పఠనములు తీర్థగోష్ఠి ప్రసాద వినియోగములు జరుగును . ప్రతి నిత్యం స్వామివారిని పల్లకీ సేవ గ్రామంలో నిర్వహించెదరు .
సూర్యుడు మకరరాశిలో ప్రవేశించిన మకర సంక్రాంతి రోజున స్వామి వారికి విశేష అర్చనలు జరుగును . ఈ సంక్రాంతి పర్వదినమున ఉత్తరాయన పుణ్యకాలములో స్వామి వారికి విశేష అలంకరణలు చేసి విశేష అర్చనలు జరుగును . శాస్త్ర విధిగా ఆ సంవత్సరం పంచాంగం ప్రకారం మకర సంక్రాంతి పుణ్యకాల సమయమున స్వామికి భక్తులు సమర్పించ వలసిన దానాదులు సమర్పించబడును .
రోజున శ్రీవారి ఉత్తరద్వార దర్శనము తెల్లవారుఝామునుండి ఉదయం 6 - 00గంటల వరకు ఉత్తర ద్వార దర్శనం జరుగును . అనంతరం స్వామివారిని గరుబవాహనం పై గరుడోత్సవం గ్రామపుర వీధులలో జరుగును . రాత్రికి ఆలయ ప్రాంగణం దీపాలతో అలంకరించెదరు .
సూర్యనారాయణ స్వామికి అత్యంత ప్రీతిపాత్రమగుటచే ప్రతీ ఆదివారములలో విశేష అర్చనలు ప్రతి నిత్యము మాఘపూజలు జరుగును .
సూర్య జయంతి రోజున శ్రీవారికి సప్తదశకలశస్నపనాధులచే అభిషేకములు విశేష అలంకరణ అమృత కలశ వితరణ జరుగును
అమృత కలశతీర్థము : . ఈ అమృత కలశతీర్థము పాలతో ప్రత్యేకించి సుగంధ ద్రవ్యాదులచే తయారుచేసి భక్తులకు ప్రసాదములుగా అందించెదరు . రోగులు , సంతానములేని విశేషముగా ఈ తీర్థమును తీసుకున్న రోగులకు రోగనివృత్తియు , వంధ్యలకు సత్సంతాన ప్రాప్తియు కలుగును .
ఈ రధసప్తమి రోజున స్వామివారికి రథోత్సవం జరుగును . రాత్రికి ఆలయ ప్రాంగణం అంతా దీపములచే విశేషంగా అలంకరించెదరు .
భీష్మ ఏకాదశీ పర్వదినమున శ్రీ స్వామివారికి రాత్రికి కళ్యాణ మహోత్సవం అత్యంత వైభవంగా జరుగును .
పగలు శ్రీ స్వామి వారికి రథోత్సవం వివిధ వేషధారుల మధ్య , వివిధ వాయిద్యాల మధ్య భక్తుల వివిధ జయజయ ద్వానాల మధ్య ఊరేగింపు ఉత్సవం జరుగును. రాత్రికి శ్రీ వారి కళ్యాణ మహాత్సవానంతరం శ్రీ స్వామివారిని అమ్మవార్లతో కల్సి గరుడవాహనంపై వేంచేయింపచేసి శ్రీవారికి జరిపించెడి ఉత్సవంలో ఎక్కువ బాణాసంచా పోటీల ధ్వని కాంతులతో , నృత్యగీతాది మంగళవాయిద్యముల మధ్యన శ్రీ స్వామివారిని దర్శించుటలో భక్తులకు భువియే ఒక వైకుంఠముగా భావించెదరు .
త్రయోదశి శ్రీవారికి సదశ్యమహోత్సవం సతుర్థశి రోజున శ్రీవారి గరుడోత్సవం మాఘశుద్ధపూర్ణిమ రోజున శ్రీవారి వసంతోత్సవ కంకనవిసర్జనము శ్రీవారి చక్రతీర్థ స్నానమహోత్సవ పవిత్రతుల్యానదీ తీరమున జరుగును . అనంతరం పూర్ణాహుతి మహోత్సవం జరిపించెదరు .
చతుర్దశి రోజున శ్రీవారి గరుడోత్సవం
పూర్ణిమ రోజున శ్రీవారి వసంతోత్సవ కంకనవిసర్జనము శ్రీవారి చక్రతీర్థ స్నానమహోత్సవ పవిత్రతుల్యానదీ తీరమున జరుగును . అనంతరం పూర్ణాహుతి మహోత్సవం జరిపించెదరు .
పాడ్యమి రోజు రాత్రికి శ్రీ స్వామివారికి శ్రీ పుష్పయాగ మహోత్సవం కడు రమ్యముగా అద్దాల శయనమందిరమున జరుగును .
ఉదయం 6 గంటల నుండి 11 గంటల వరకు
సాయంత్రం 5 గంటల నుండి 7 గంటల వరకు
